راشد الماجد لولو الصباح كلمات
لولو الصباح انتي الحلا في البرايا
وانتي لنا اجمل واغلى الهدايا
يا من ملكتي قلوبنا بالمحبة
ما مثلك الا صورتك في المرايا
بسمتك فرحة عمرنا والليالي
واحساسنا غالي يعبر لغالي
يا لولو سالم انتي تاج اللالي
بنت البشاير والوفا والعطايا
ربي وهبك الزين منظر ومعنى
والله على شوقك وحبك جمعنا
ما دمتي يا لولو بكل شي معنا
ما تفارق البسامات هذي الشفايا
مهما نعبر لك عن الحب فينا
تبقين اجمل قلب غالي علينا
لو نملك نجوم السما في يدينا
ان كان جبناها لعينك هدايا