كلمات اغنية ذاك الاول ناصر المنصوري

ذاك الاول من تقول انا حياتك
كنت اصدق من شفاتك كل كلمة
ليتني لو بس لحظة سناب شاتك
ما تفارقني ولو لحظة مهمة

ليت تدري وش كثر عندي غلاتك
انت نبض القلب واشواقه وحلمه

ذاك الاول كنت لك ضحكة شفاتك
لين صرت لقلبك احزانه وهمه
الوفا ياللي بقالي من سماتك
كيف تقتل حبنا من دون ذمة

قدني عفتك ياللي صرت تحب ذاتك
ذا شعوري وش تبي تسميه سمه

ذاك الاول ما اصدق بك وشاتك
كنت وحدك عن جميع الناس قمة
قمت تصغر بعيوني في غلاتك
بعد ما كنت الهوى ياللي اشمه

ولو رجعنا في يوم ما بنسى سواتك
ما انستر كف البخيل ان طال كمه