حكاية روح
اللي انت كسرته فيا صعب حد يصلحه
استهترت بمشاعري وكل حاجة مع الاسف
بعد ما شوفتك بتيجي ع اللي بينا وتجرحه
احساسي بيك خلاص مش بس قل دة اختلف
انا كل ما افتكر اللي كان بعتب على الاخلاص
علشان مصاحب ناس وسايب ناس تضيع ناس
ادي اخرة اللى يغمي عينه ويمشي بالاحساس
كان لازم اعمل 100 حساب لعذابي قبل ما اروح
ازاي يامن قلبي تاني لاي حب جديد
ازاي هشوف بكرة وانا عايش النهاردة وحيد
طب يا ترى هنسى وهفوق ولا الحنين هيزيد
اصل الحكاية مش حكاية شوق حكاية روح
انا مش هستنى منك حاجة تانية خلاص كدة
هبعد واستغنى عنك واللي فاتني هعوضه
مش مكتوبلي السعادة لحظة ويا الحب دة
ووجودي معاك وجنبك وضع قلبي بيرفضه