استمد الشوق
استمد الشوق حيله وانتحابي
لين صادفني طريق كنت اهابه
لي شهر وانا ما غير اكتم مصابي
واتجمل في الوجيه ام الذرابه
لين حدتني مخاييل السحابي
والسنين اشباح والايام غابه
شفت ما منها مصده واجتنابي
لكن الله رحمته تسبق عذابه
يا وجودي من عناي و يا ذهابي
وجد من خلوه ربعه للذيابة
في نهار هيب اللي ما يهاب
يعتنق عج المنايا بالسحابة
منك ياللي فاقد منك صوابي
قمت اعشقك مثل عشقي للكتابة
شف غيابك وين وداني وجابي
بس مع الايام زودني صلابة
حس فيني يا معودني غيابي
في وجودي وش مدى فرق التشابه
ليه ادق الباب دام الباب بابي
يا معيشني تفاصيل الغرابة
يا معودني على صبر احتسابي
يا معرضني شقى القيض وسرابه
الدروب طوال لكنك زهابي
شوف حالي كنها قوس الربابه
واعتقدت انك تعاني من عذابي
يكسرك صوت الاحبة والغرابة
واثرك اللي مستريح ولا درابي
ما تعرف الا تماديه وغيابك